Норвегияда содир бўлган кўчки оқибатида 8 та уй денгизга ғарқ бўлди (видео)

Норвегия шимолида 3 июнь куни содир бўлган ер кўчкиси саккизта уйни денгизга олиб кетди. Бу ҳақда The Local хабар берди.

Эриган қор ва лойнинг кўчиши бир неча соат давом этган. Уйларнинг сувга ғарқ бўлишига қанча вақт кетгани номаълум. Видеога кўра, улар етарли даражада секин ҳаракатланган.

Altaposten нашри журналистлари денгизга ғарқ бўлган коттежлардан бирининг эгаси билан суҳбатлашган. Унинг сўзларига кўра, уй эгаси дастлаб гумбурлашни эшитган, нима бўлаётганини англаган заҳоти «ўз жонини сақлаш» мақсадида тепаликка югурган.

Just now in Alta, Norway: Huge mudslide dragging several houses into the sea. pic.twitter.com/xR4t5zLI7m

— Jan Fredrik Drabløs (@JanFredrikD) June 3, 2020

Дастлабки маълумотларга кўра, ҳеч ким жароҳат олмаган. Кўчки оқибатида бир ит денгизга тушиб кетган, бироқ у мустақил равишда қирғоққа чиқиб олишга муваффақ бўлган.