Коронавирус пандемиясининг иккинчи тўлқини бўлмаслигини таъминлаш мумкин, аммо эҳтиёт чоралари кўрилмаса у содир бўлиши ва ўта ёмон оқибатлар кузатилиши эҳтимоли мавжуд. Бу ҳақда ЖССТ Европа минтақавий бюроси раҳбари Ганс Клюге маълум қилган.
«Кўплаб мамлакатлар коронавирус сабаб қўйилган чекловларни юмаштмоқда ва COVID-19 инфекциясининг такроран тарқалиш эҳтимоли юқори бўлиб қолган. Вақтида эҳтиёт чоралари кўрилмаса, иккинчи тўлқин кузатилиши ва у яна ҳам аянчли оқибатларга олиб келиши мумкин», – деган Клюге.
ЖССТ вакили ишлар ҳозир ҳам йил бошидагидан зўр деб айтиб бўлмаслиги, сабаби ҳали ҳам коронавирусга қарши вакцина ёки бошқа даволаш воситаси одамлар ихтиёрида мавжуд эмаслигини таъкидлаган.
Мавзуга доир: Италиялик олим коронавируснинг иккинчи тўлқини кузда юз бериши мумкинлигини тахмин қилди
ЖССТ дунё мамлакатларига вазиятга қараб чекловларни босқичма-босқич юмшатиш ва воқеа-ҳодисалар мониторингини юритишни тавсия қилган.
Эслатиб ўтамиз, янги турдаги COVID-19 коронавирус инфекцияси жаҳоннинг 216 та мамлакатида тарқалган.
Европада COVID-19 касаллиги устидан Черногория биринчилардан бўлиб ғалабага эришди ва мамлакат ҳудудида 28 кундан бери янги касалланиш ҳолати қайд этилмаяпти, касалланганларнинг ҳаммаси тузалган ва мамлакатда инфекцияга чалинган беморлар қолмаган.
Изоҳ (0)