Туркманистон президенти Гурбангули Бердимуҳамедов 3 июнь куни Ашхободда «Велосипед» монументининг очилиш маросимида иштирок этди. Ҳайкал Копетдоғ тизмаси пойида барпо қилинган. Бутунжаҳон велосипед кунига бағишланган тантанали тадбир ҳақида Туркманистоннинг «Олтин аср» ахборот агентлиги хабар қилган.
Очилиш маросимидан кейин Бердимуҳамедов тадбир иштирокчилари билан биргаликда 12 километрлик масофани велосипедда босиб ўтди.
2021 йилда Ашхободдаги Олимпия шаҳарчасида велотрек бўйича Жаҳон чемпионати ўтказилади, дейилган агентлик хабарида.
Эслатиб ўтамиз, Гурбангули Бердимуҳамедов велоспортни оммалаштиришдаги иштироки учун Халқаро велосипедчилар иттифоқининг (UCI) олий мукофоти билан тақдирланган.
2017 йилда Гурбангули Бердимуҳамедовга туркманистонлик спортчилар томонидан олтин велосипед совға қилинган. У ҳукумат мажлисларига велосипед миниб келишни ҳам хуш кўради.
Мавзуга доир:Гурбангули Бердимуҳамедов етимхона тарбияланувчиларига ва маданият маркази музейига велосипедлар совға қилди (фото)
Изоҳ (0)