Bugun,

  • USD 11095.31
  • RUB 173.84
  • EUR 10772.44

Chernogoriyada koronavirusga chalingan barcha bemorlar to‘liq sog‘ayishga muvaffaq bo‘ldi. Shunday qilib, Chernogoriya pandemiyani yenggan Yevropadagi birinchi davlatga aylandi. Bu haqda mamlakat prezidenti Milo Jukanovich o‘zining Twitter’dagi sahifasi orqali ma’lum qildi.

Foto: “Vesti.ru”

Foto: “Vesti.ru”

Jukanovichning ta’kidlashicha, Podgoritsadagi Jamoat salomatligi instituti 20 kundan beri kasallikka chalinish bo‘yicha birorta yangi holatni qayd etmagan.

“Kasallar soni nol! Davlat organlari va butun jamiyat ushbu muammoni hal etish borasida yuqori darajadagi mas’uliyatni namoyish etdi, sog‘liqni saqlash tizimimiz esa to‘g‘ri tashkil etilgani, o‘z ishiga sodiq va loyiq ekanligini ko‘rsatdi”, — deydi prezident.

Uning qo‘shimcha qilishicha, endilikda mamlakat pandemiyaning iqtisodiy oqibatlarga qarshi kurashni davom ettirishi kerak.

Eslatib o‘tamiz, Chernogoriyada koronavirusga chalinish bo‘yicha ilk holat 17-mart kuni aniqlangandi. Butun mamlakat bo‘ylab 324 kishi koronavirusga chalingan va to‘qqiz kishi COVID-19 oqibatida vafot etgan.

Izoh
Asosiy yangiliklar
Dunyo
Turkiya Finlyandiya va Shvetsiyaning NATOga kirish haqidagi arizalarni alohida-alohida ko‘rib chiqishi mumkin
Mahalliy
O‘zbekistonda dollar kursi pastladi 
Mahalliy
Shavkat Mirziyoyev Islom Karimov haykali poyiga gul qo‘ydi