АҚШдаги норозилик намойишлари оқибатида 11 киши ҳалок бўлгани маълум қилинди
АҚШда афро-америкалик Жорж Флойднинг полиция томонидан қўлга олинганидан сўнг вафот этиши муносабати билан бошланган норозилик намойишлари оқибатида камида 11 киши ҳалок бўлди, деб хабар беради Associated Press.
Маълумотларга кўра, улар мамлакатнинг тўққизта шаҳридан бўлган — Сент-Луис, Луисвилл, Окленд, Индианаполис, Давенпорт, Миннеаполис, Омаха, Детройт ва Чикаго. Шунингдек, ўнлаб одам жароҳат олган.
АП норозилик намойишида ҳалок бўлганларга оид маълумотлар очиқ эканлиги ва улар ҳаётлигида нима иш билан шуғулланганини маълум қилди. Хусусан, Луисвиллдаги отишмада барбекю-ресторан эгаси Дэвид Макати ҳалок бўлган. У полиция ва Миллий гвардия оломонни қувиш учун ўт очган вақтида ҳалок бўлган.
Денверда эса икки киши ҳалок бўлган. Улардан бири 22 ёшли Италия фуқароси Келли бўлиб, норозилик намойиши бўлаётган ҳудудни тарк этаётганида ҳалок бўлган. Шунингдек, алоҳида можаро оқибатида бир эркак ҳалок бўлгани айтилмоқда. Полициянинг таъкидлашича, унинг ҳам норозилик намойишига алоқаси бор.
Сент-Луисда эса полиция ходими мародёрлар томонидан ўтиб ўлдирилган.
Эслатиб ўтамиз, Миннеаполис шаҳри полицияси вакили 25 май куни 46 ёшли афро-америкалик Жорж Флойдни қўлга олиш чоғида уни тутиб, ерга ётқизган ва тиззаси билан бўйнини босган. Полициячи уни шу тариқа узоқ вақт ушлаб туриши Жорж Флойднинг ўлимига сабаб бўлган. Ҳолат акс этган видео ижтимоий тармоқларда тарқалгач, АҚШнинг турли ҳудудларида норозилик намойишлари бошланган. АҚШнинг 25 та шаҳрида оммавий норозиликлар сабаб комендантлик соати эълон қилинди.
