Париждаги суд биноларидан бирининг қаршисида бир неча минг одам 2016 йили полиция томонидан қўлга олинганидан сўнг вафот этган 24 ёшли қора танли француз Адаме Траоренинг хотирасига норозилик намойиш ўтказди, деб хабар беради BFM TV.
Маълумотларга кўра, намойишга 19 мингдан ортиқ одам келган. Le Figaro нашри эса 15 мингга яқин одам тўпланганини ёзмоқда.
Норозилик намойиши бошланганидан икки соат ўтиб, айрим иштирокчилар ва жандармлар ўртасида тўқнашув содир бўлган. Полиция кўзни ёшлантирувчи газдан фойдаланган. Норозилик намойишининг баъзи иштирокчилар чиқиндилар ва эски мебелларни ёқиб юборган. Шунингдек, улар намойиш ўтказилган жой яқинидаги Париж округи йўлини тўсиб қўйган.
https://twitter.com/TIM_7375/status/1267860420821495809
Адаме Траоре хотирасига бағишланган акциялар, бундан ташқари, Марсель, Лилль ва Лионда ҳам ўтказилган.
https://twitter.com/TIM_7375/status/1267902733127831552
Адаме Траоре 2016 йилнинг 19 июль санасида Париж яқинидаги Бомон-сюр-Уаз коммунасида қўлга олинганидан икки соат ўтиб вафот этган. Уни қўлга олиш вақтида уч нафар жандарм эркакни ерга босган ва у нафас олишга қийналган. У жандармерияга ҳушсиз ҳолда олиб келинган. Траоре шифокорларининг уринишига қарамай вафот этган.
Эслатиб ўтамиз, АҚШда полиция томонидан қўлга олинган 46 ёшли афро-америкалик Жорж Флойд вафот этганидан сўнг, тартибсизликлар ва полиция билан тўқнашувларга олиб келаётган норозилик намойиши бошланган. АҚШнинг 25 та шаҳрида оммавий норозиликлар сабаб комендантлик соати эълон қилинган.
Изоҳ (0)