«Реал» клуби ва Бразилия терма жамоасининг собиқ ҳужумчиси Роналдо беш нафар футболчининг исмини айтиб, уларнинг ўйинига алоҳида эътибор қаратишини таъкидлади.
«Албатта, Месси биринчи ўринда, у — истеъдодли футболчи. Яна у каби ўйинчиларни кўриш учун бизга 20-30 йил керак бўлади. Менга Салоҳ, Азар ва Неймарнинг ўйини ёқади. Ва, албатта, Мбаппе ҳам. Кўпчилик мени у билан таққослайди. Бизнинг ўхшаш томонларимиз бор, лекин мен ҳеч қачон таққослашларни ёқтирмаганман, айниқса, турли авлод ўйинчилари бўлса. Чунки ҳар даврнинг ўз мезонлари бор», — дейди Роналдо.
Эътиборга молик жиҳати бразилиялик афсонанинг рўйхатидан «Ювентус» клуби ва Португалия терма жамоаси ҳужумчиси Криштиану Роналду жой олмади.35 ёшли Роналду ушбу мавсумда А Сериянинг 22 та ўйинида майдонга тушиб, 21 та гол урди ва 3 голга ҳаммуаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)