Навоий вилояти Навбаҳор туманида карантин қоидаларини бузган якка тартибдаги тадбиркордан ҳуқуқбузарлик бўйича тузилган маъмурий баённомани йўқ қилиш эвазига пора талаб қилган Давлат санитария-эпидемиология назорати инспектори қўлга олинди. Бу ҳақда «Дарё»га Бош прокуратура томонидан маълум қилинди.
Хабар берилишича, Бош прокуратура ҳузуридаги Иқтисодий жиноятларга қарши кураш департаментининг Навбаҳор туман бўлими томонидан тезкор тадбир ўтказилган.
Тадбирда вилоят Давлат санитария-эпидемиология назорати бошқармаси Навбаҳор тумани филиали инспектори Ш.Ҳ. ўз хизмат мавқейидан фойдаланиб, якка тартибдаги тадбиркор Ҳ.М.га ниқобсиз юрганлигини важ қилиб, унга нисбатан расмийлаштирилган маъмурий баённомани йўқ қилиш эвазига 100 минг сўм порани талаб қилиб олган вақтида ашёвий далил билан ушланган.
Юқоридаги ҳолат юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
- ДХХ 5 минг доллар эвазига консерваторияга ўқишга киритиб қўйишни ваъда қилган лицей ўқитувчисини қўлга олди
- Андижонда Nexia’ни жарима майдончасидан чиқариб бериш эвазига 1 млн сўм пора олишга уринган мансабдор қўлга олинди
- Навоийда нафақа тайинлаш учун пора олган маҳалла раиси 2 йилга озодликдан маҳрум қилинди
- Андижонда кадастр ходимининг 7800 доллар пора билан қўлга тушиши ортидан филиал раҳбари ишдан олинди
Изоҳ (0)