Navoiy viloyati Navbahor tumanida karantin qoidalarini buzgan yakka tartibdagi tadbirkordan huquqbuzarlik bo‘yicha tuzilgan ma’muriy bayonnomani yo‘q qilish evaziga pora talab qilgan Davlat sanitariya-epidemiologiya nazorati inspektori qo‘lga olindi. Bu haqda “Daryo”ga Bosh prokuratura tomonidan ma’lum qilindi.
Xabar berilishicha, Bosh prokuratura huzuridagi Iqtisodiy jinoyatlarga qarshi kurash departamentining Navbahor tuman bo‘limi tomonidan tezkor tadbir o‘tkazilgan.
Tadbirda viloyat Davlat sanitariya-epidemiologiya nazorati boshqarmasi Navbahor tumani filiali inspektori Sh.H. o‘z xizmat mavqeyidan foydalanib, yakka tartibdagi tadbirkor H.M.ga niqobsiz yurganligini vaj qilib, unga nisbatan rasmiylashtirilgan ma’muriy bayonnomani yo‘q qilish evaziga 100 ming so‘m porani talab qilib olgan vaqtida ashyoviy dalil bilan ushlangan.
Yuqoridagi holat yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir:
- DXX 5 ming dollar evaziga konservatoriyaga o‘qishga kiritib qo‘yishni va’da qilgan litsey o‘qituvchisini qo‘lga oldi
- Andijonda Nexia’ni jarima maydonchasidan chiqarib berish evaziga 1 mln so‘m pora olishga uringan mansabdor qo‘lga olindi
- Navoiyda nafaqa tayinlash uchun pora olgan mahalla raisi 2 yilga ozodlikdan mahrum qilindi
- Andijonda kadastr xodimining 7800 dollar pora bilan qo‘lga tushishi ortidan filial rahbari ishdan olindi
Izoh (0)