Ўзбекистон бош вазири Абдулла Арипов 1 июнь куни бир кун аввал Қирғизистон билан чегарада юз берган можаро сабаб Фарғона вилоятинин Сўх туманига ташриф буюрган эди. Ташриф доирасида Арипов Қирғизистон ҳукумати раҳбари билан учрашди.
Учрашувдан сўнг, Сўх тумани ҳокимлиги ахборот хизмати хабарига кўра, икки мамлакат ҳукумат раҳбарлари воқеа содир бӯлган жойга борган. Қайд этишларича, можаро оқибатида Ўзбекистон ҳудудидаги учта хонадонда ёнғин юз берган.
«Зарар кўрган оилалар хонадонларини қисқа муддатда тиклаб берамиз», — деб айтган бош вазир Абдулла Арипов.
Аввалроқ 31 май куни юз берган можаро оқибатида 187 нафар ўзбекистонлик касалхонага ётқизилгани ҳақида хабар берилган эди. Дастлабки маълумотларга кўра, можарога Қирғизистон ҳудудидаги, сувидан Ўзбекистон томони ҳам фойдаланадиган «Чашма» булоғи устидаги баҳс сабаб бўлган.
Изоҳ (0)