АҚШнинг Миннеаполис штати полицияси CNN мухбири Омар Хименесни жонли эфир вақтида қўлга олди. Бу ҳақда «Korrespondent.net» хабар бермоқда.
Омар Хименес «Янги кун» дастури вақтида эфирга чиққан ва ҳудуддаги тартибсизликлар ҳақида сўзлай бошлаган. Аммо полициячилар унга ишини якунлашга имкон бермаган ва жонли эфир вақтида миллионлаб телетомошабинлар қаршисида уни қўлга олган. Журналист нима учун қўлга олинаётгани ҳақида сўраган, бироқ унинг саволига ҳуқуқ-тартибот ходимлари жавоб бермаган.
Хименеснинг қўлини кишанлаб, олиб кетишаётганини CNN оператори суратга олиб турган. Кейинроқ суратга олиш гуруҳининг бошқа аъзолари ҳам қўлга олинган.
Minnesota police arrest CNN reporter and camera crew as they report from protests in Minneapolis https://t.co/oZdqBti776 pic.twitter.com/3QbeTjD5ed
— CNN (@CNN) May 29, 2020
Эслатиб ўтамиз, Миннесотада полициячи қора танли Жорж Флойдни қўлга олиш вақтида ўлдириб қўйгани учун тартибсизликлар бошланди.
Изоҳ (0)