Бухарестда яшовчи 111 ёшли Думитру Комэнеску сайёранинг энг кекса эркаги деб тан олинди. Бу ҳақда Геронтология тадқиқот гуруҳи хабар бермоқда, деб ёзади «Korrespondent.net»
Айни вақтда руминиялик эркак 111 ёшу 7 ойлик. Думитруга унинг рекордини тасдиқловчи ёрлиқ топширилди. Комэнеску расман дунёнинг энг кекса эркаги деб топилиши унинг учун катта шараф эканини таъкидлади.
Гиннес рекордлари китобига кўра, 2020 йилнинг бошида ушбу ном учун уч киши даъвогарлик қилган. 2020 йил февралида Японияда 1907 йил 5 мартда туғилган Китетсу Ватанабе дунёдан ўтган. Яқинда Британияда дунёнинг энг кекса эркаги деб топилган Роберт Уэйтон вафот этди. У 1908 йил 29 мартда дунёга келганди. Думитру Комэнескунинг туғилган куни 1908 йил 8 ноябрга тўғри келади.
Думитру муҳандис-агроном ва фитопатолог бўлган. Унинг болаларидан ташқари уч невараси ва икки эвараси бор.
Изоҳ (0)