Ҳиндистоннинг Уттар-Прадеш штатида бир нечта маймун коронавирусга гумон қилинган беморларнинг қон намуналарини лабораторияга олиб кетаётган лаборантга ҳужум қилди ва учта тест намунасини олиб қочиб кетди. Бу ҳақда «РИА Новости» хабар берди.
Ҳодиса 29 май куни Уттар-Прадеш штатидаги Меерута тиббиёт коллежида юз берган. Шифокорларнинг хавотирига кўра, агар намуналарда коронавирус бўлса, вирус маймунларга юқиши мумкин. Шунингдек, шифокорлар аввал ҳам маймунлар мазкур марказдан турли буюмларни ўғирлаб кетганини таъкидлаган.
Ҳиндистон ОАВларида пайдо бўлган видеода маймунлардан бири намуна олиш учун ишлатиладиган тўпламлардан бирини чайнаётгани кўринган.
Штат полицияси маймунлар коронавирусда гумон қилинган беморларнинг қон намуналарини ўғирлаб кетганини, маймунлар эса ушланмаганини тасдиқлаган. Полиция ҳодиса юзасидан суриштирув бошлаган.
Изоҳ (0)