Кувайтнинг миллий авиакомпанияси Kuwait Airways коронавирус тарқалиши оқибатидаги молиявий муаммолар сабаб 1,5 минг нафар хорижлик ходимларини ишдан бўшатишга мажбур бўлмоқда. Бу ҳақда компания ахборот хизмати Twitter’да хабар қилган.
«Kuwait Airways авиакомпанияси коронавирус пандемияси ва унинг тижорат соҳасига салбий таъсири туфайли инқироз оқибатларини бартараф этиш бўйича комплекс режага мувофиқ тахминан 1,5 минг нафар хорижлик ходимларнинг хизматларидан воз кечишга қарор қилди ва уларга ўз миннатдорлигини изҳор этади», – дейилган компаниянинг Twitter’даги саҳифасида.
Кувайт Форс кўрфази мамлакатлари орасида Эрон ва Ироқда коронавирус тарқала бошланганидан кейин биринчилардан бўлиб халқаро аэропортга келиш-кетишни март ойидаёқ ёпган ва барча рейсларни бекор қилган. Натижада мамлакатда коронавирус эпидемиясининг кенг ёйилишига йўл қўйилмади.
Кувайт соғлиқни сақлаш вазирлигининг 28 май куни берган маълумоти бўйича амирликларда пандемия бошланганидан бери 24 минг нафардан кўпроқ одам коронавирусга чалинган, охирги бир сутка ичида эса 845 та янги ҳолат қайд этилган. Мамлакатда эпидемия бошланганидан бери 185 киши COVID-19 асоратлари оқибатида вафот этган, охирги бир сутка давомида 8,6 минг бемор касалликдан тузалган.
Изоҳ (0)