Москвада апрель ойида коронавирусдан вафот этиш даражаси 1,4 фоиздан 2,8 фоизгача бўлди. Май ойида бу кўрсаткич яна ортиши мумкин. «РБК»нинг ёзишича, бундай маълумотлар Москва соғлиқни сақлаш бошқармаси сайтида эълон қилинган таҳлилий ҳисоботда қайд этилган.
Ўлимнинг асосий сабаби COVID-19 бўлганларни ҳисобга олинганда 1,4 фоизга тўғри келган. 2,8 фоизлик кўрсаткич эса коронавирусдан ва пневмония кузатилмаган бўлса ҳам SARS-CoV-2’га тести ижобий чиққан кишиларнинг бошқа сабабларга кўра вафот этган барча беморларни ҳисобга олиш натижасида чиққан.
«Май ойида ўлим даражаси кўпроқ бўлиши ҳозирданоқ маълум. Москвада коронавирусга чалинишнинг авж палласи апрель ойи охирларига тўғри келди. Касалланиш чўққисидан ўлим ҳолатлари чўққисигача орада тахминан 2-3 ҳафта вақт ўтади. Бу кўрсаткичлар ҳам таҳлил қилиниб, очиқ эълон қилинади», — деб айтилган Москва соғлиқни сақлаш бошқармаси хабарида.
Аввалроқ Москва мэри шаҳарда карантин чоралари янада юмшатилишини эълон қилгани ҳақида хабар берилганди.
Изоҳ (0)