Охирги бир сутка давомида коронавирус инфекциясини юқтириб олиш бўйича ҳолатлар сони 100 мингтадан ошди ва касалланганларнинг умумий сони қарийб 5,6 миллионга етди. Бу ҳақда жаҳон соғлиқни сақлаш ташкилоти хабар қилган.
Ташкилот берган охирги маълумотларга кўра, бир сутка ичида коронавирусга чалиниш билан боғлиқ 104 505 та янги ҳолат аниқланган, 4221 киши касаллик асоратлари туфайли вафот этган. Шу тариқа COVID-19 юқтириб олганларнинг умумий сони бутун дунёда 5 миллион 593 631 нафарга етган, пандемия бошланганидан бери кузатилган ўлим ҳолатларининг сони эса 353 033 тани ташкил қилган.
Энг кўп касалланиш ҳолатлари Шимолий ва Жанубий Америкада кузатилган – икки материкда жами 2 556 479 кишида коронавирус аниқланган, кейинги ўринда Европа бормоқда – 2 079 924 нафар киши COVID-19’га чалинган.
Жаҳон соғлиқни сақлаш ташкилоти 11 март куни коронавируснинг бутун дунёда тарқалиши пандемия даражасига чиққанини эълон қилганди.
Изоҳ (0)