Бутун дунё бўйлаб қисқа муддатли ижарада туриб дам олиш учун банд қилинган турар жойлар сони кескин ошди. Мазкур кўрсаткич 2020 йил апрель ойига нисбатан 127 фоизга ўсган. Бу ҳақда АidDNА компанияси томонидан маълум қилинди.
Апрель ойида буюртмалар сони 916 мингтадан ошмаган бўлса, май ойида уларнинг сони икки миллионтадан ошган. Қайд этилишича, бу биринчи навбатда карантин чораларининг енгиллашгани ва чегараларнинг очилиши билан боғлиқ. Йил охиридаги — Рождество байрами арафасидаги саналарга энг юқори талаб кузатилмоқда.
Европанинг Ницца, Марсель, Берлин, Лион ва Неапол каби шаҳарларида бозор тезроқ тикланмоқда. Мазкур шаҳарларда талаб ўртача 150-200 фоизга ўсган. Айни пайтда энг юқори ўсиш Янги Зеландияда кузатилмоқда. Биргина Куинстаун курортининг ўзида 960 фоизлик ўсиш қайд этилган.
Изоҳ (0)