Тожикистонда коронавирус инфекциясини юқтириб олганиш ҳолатлари сони 158 тага кўпайиб, касалланганлар сони 3424 нафарга етди. Бу ҳақда мамлакат Соғлиқни сақлаш ва ижтимоий ҳимоя вазирлиги маълумотига таяниб «РИА Новости» хабар берган.
«Тожикистонда COVID-19 коронавирус инфекциясини юқтириб олиш ҳолатлари сони 158 тага кўпайди ва касалланганларнинг умумий сони 3424 нафарга етди», — дея маълумот берган агентликнинг суҳбатдоши.
Унинг сўзларига кўра, мамлакатда COVID-19’дан 1575 киши тузалган, 47 нафар бемор инфекция асоратлари туфайли ҳаётдан кўз юмган. Ортда қолган бир сутка давомида касалликдан вафот этиш ҳолатлари кузатилмаган.
Мавзуга доир: Ўзбекистонда яна 9 киши коронавирусдан тузалди. Улар орасида Тожикистон фуқароси ҳам бор
Беморларга сифатли хизмат кўрсатиш мақсадида Соғлиқни сақлаш вазирлиги томонидан интеллектуал тиббиёт маркази ташкил қилинган, унда вазирлик мутахассислари ва соҳа олимлари маслаҳат тарзида, шунингдек, замонавий технологиялар орқали беморларни текшириш орқали уларга ёрдам кўрсатмоқда.
Изоҳ (0)