Муҳокамага сабаб бўлган Амир Темур ҳайкали, намойишга чиққан дунё, пляждаги бульдозер. 27 май суратлари
27 май, чоршанба куни дунёнинг турли бурчакларида олинган энг қизиқарли суратлар жамланмасини тақдим этамиз.
Москвада кўргазма залида ташкил этилган вақтинчалик шифохонада «тоза ҳудуд»ни тарк этиш вақтида ҳимоя кийимларини дезинфекция қилаётган тиббиёт ходимлари.Фото: Getty Images
Япониянинг Киото шаҳридаги бамбук боғида сайр қилиб юрган эр-хотин.Фото: EPA
Кениянинг Найроби шаҳрида тиббиёт ходими Кибер харобаларида яшовчи аёлдан коронавирусга таҳлил учун тест намунаси олмоқда. Айни дамда мамлакатда оммавий тест олиш тадбирлари олиб борилмоқда.Фото: Reuters
Истанбулдаги Гранд бозор 4 соатлик комендантлик соати вақтида.Фото: Reuters
Ижтимоий тармоқларда кенг муҳокамага сабаб бўлган Сурхондарёнинг Денов шаҳридаги Амир Темур ҳайкали. Фойдаланувчиларнинг фикрича, унинг қўлидаги Темурийлар салтанати белгиси туширилган буюм гилам қоққичга ўхшайди.Фото: Twitter
АҚШнинг Миннесота штатида қора танли, қуролсиз фуқаро Жорж Флойд полициячи томонидан бўғиб ўлдирилгач, воқеа содир бўлган жойга намойишчилар йиғилди.Фото: Reuters
Бразилиянинг Рио-де-Жанейро шаҳрида 26 апрель куни коронавирусга чалиниб сунъий нафас олдириш аппаратида ётган Русия фарзандли бўлган эди. Эндиликда у муддатидан аввал туғилган қизи Луиза билан бирга касалхонадан чиқмоқда.Фото: Reuters
Гонгконгда давлат тили тўғрисидаги можароли қонун муҳокамасининг иккинчи ўқиши давом этаётган вақтда ҳукуматга қарши намойишчилар ҳарбийларга қаршилик кўрсатмоқда.Фото: Reuters
Изоҳ (0)