Тошкент шаҳрининг Сергели туманида 26 май, сешанба куни юз берган йўл-транспорт ҳодисаси оқибатида бир киши вафот этди. Бу ҳақда ЙҲХББ хабар бермоқда.
Ҳодиса соат 20:00 ларда ТҲАЙ–Қумариқ кўчалари чорраҳасида юз берган. 1969 йилда туғилган Т.Қ. исмли эркак Nexia-2 автомобилини бошқараётиб, асосий йўлдан келаётган, ҳайдовчи 1998 йилда туғилган И.Э. исмли эркак бошқарувидаги Tico’ни ўтказиб юбормасдан ҳаракатланганлиги оқибатида тўқнашув содир этган.
ЙТҲ оқибатида Nexia-2 йўловчиси 1981 йилда туғилган А.Қ. исмли эркак оғир тан жароҳатлари олиб, ҳодиса жойида вафот этган.
Tico ҳайдовчиси И.Э. тан жароҳати олиб шифохонага ётқизилган.
Мазкур ЙТҲ юзасидан Сергели тумани ИИО ва ФМБ ТБ томонидан суриштирув ишлари олиб борилмоқда.
Эслатиб ўтамиз, 23 май куни Тошкент шаҳрида уч машина иштирокидаги ЙТҲда ҳайдовчилардан бири вафот этганди. 20 май куни Сергели туманида Matiz уриб юборган 68 ёшли эркак шифохонада вафот этганди.
Изоҳ (0)