Шавкат Мирзиёев 27 май, чоршанба куни туризм ва давлат активларини хусусийлаштириш соҳаларидаги лойиҳалар тақдимоти билан танишган вақтида туризм соҳасига имтиёз ва преференциялар бериш кераклигини қайд этди. Бу ҳақда Президент матбуот хизмати хабар берган.
Туризм йўналишида тадбиркорлар кўрган зарарни яқин 1-2 йил ичида тўлиқ қоплаш қийин. Шу боис бу соҳага қўшимча имтиёз ва преференциялар бериш лозимлиги таъкидланди.
Хусусан, туристик йиғимлардан озод қилиш бўйича аввал берилган имтиёз йил якунига қадар узайтирилади. Шунингдек, соҳа корхоналари фойда солиғини ҳисоблашда 2020—2021 йилдаги кўрган зарарларини кейинги йиллар фойдасидан чегириб ташлашга рухсат берилади.
Меҳмонхоналарга кўрсатган хизматининг 10 фоизи миқдорида субсидия ажратилади. Бундан ташқари, уларга айланма маблағ учун кредит фоиз тўловларининг 10 фоизигача бўлган қисмига субсидия берилади, дейилади хабарда.
Изоҳ (0)