Қорақалпоғистон Республикаси Жўқорғи Кенгесининг махсус фармойиши билан Рустам Шамуратов Тўрткўл тумани ҳокими лавозимига тайинланди. У 26 май куни халқ депутатлари Тўрткўл тумани Кенгашининг навбатдан ташқари олтинчи сессиясида туманнинг янги ҳокими сифатида таништирилган.
Рустам Шамуратов шу вақтгача Элликқалъа тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимида ишлаб келган.
Рустам Шамуратов турли йилларда Қорақалпоғистон Республикаси Вазирлар Кенгашининг иқтисодий ривожлантириш масалалари котибияти бошлиғи, Тўрткўл тумани ҳокимининг иқтисодиёт ва тадбиркорлик масалалари бўйича биринчи ўринбосари, Элликқалъа тумани ҳокимининг иқтисодиёт ва тадбиркорлик масалалари бўйича биринчи ўринбосари лавозимларида фаолият юритган.
Тўрткўл туманининг собиқ ҳокими Янгабой Бобожонов 2018 йилнинг кузида Неъматулла Худойберганов ўрнига туман ҳокими этиб тайинланганди. Ундан аввалги ҳоким Неъматулла Худойберганов эса 2017 йил декабрь ойида туманга раҳбар бўлганди.
Изоҳ (0)