Хоразмда 2 ёшли фарзандини 7 700 долларга сотмоқчи бўлган аёл қўлга олинди

Хоразм вилояти Урганч шаҳрида 2 ёшли фарзандини сотмоқчи бўлган аёл қўлга олинди. Бу ҳақда Бош прокуратура матбуот хизмати «Дарё»га маълум қилди.

Бош прокуратура ҳузуридаги Департаментнинг Урганч шаҳар бўлими томонидан ўтказилган тезкор тадбирда Қўшкўпир туманида яшовчи 23 ёшли аёл 2018 йилда туғилган фарзандини 7 700 АҚШ долларига сотган вақтида ашёвий далил билан ушланган.

Мазкур ҳолат юзасидан аёлга нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.

Аввалроқ Қорақалпоғистонда 13 ёшли фарзандини 15 минг долларга пуллаётган аёл қўлга олингани ҳақида хабар берилганди.