Санкт-Петербургдаги автосервислардан бирида танишлари билан туғилган кунни нишонлаган ўзбекистонлик мигрант ўлдирилди, деб ёзмоқда «78.ru».
Воқеа гувоҳларининг айтишича, кечаси туғилган кунни нишонлаган эркакларнинг 3 нафари нимадандир тортишиб қолган. Оқибатда улардан бири бошига болға урилишидан вафот этган.
Ҳуқуқ тартибот идораларининг маълум қилишича, 24 май куни соат 23:30 да Уральск кўчасидаги уйларнинг ёнида одам жасади ётгани ҳақида хабар келиб тушган. Воқеа жойига зудлик билан етиб келган тезкор гуруҳ унинг бошига тан жароҳати етказилганини, у Россияга февраль ойида иш қидириб келган 39 ёшли Ўзбекистон фуқароси эканини аниқлаган.
Жиноят содир этганликда гумонланиб унинг 3 нафар ватандоши қўлга олинган. Айни пайтда жиноий иш қўзғатиш масаласи кўриб чиқилмоқда.
Бундан аввалроқ Петербургда одам ўғирлаганликда гумонланиб 3 нафар ўзбекистонлик қўлга олингани хабар берилган эди.
Изоҳ (0)