Ўзбекистон адлия вазирига икки нафар янги ўринбосар тайинланди. Бу ҳақда Адлия вазирлиги матбуот котиби Севара Ўринбоева маълум қилди.
Президент қарорига мувофиқ, Баҳром Қўчқоров ва Музраф Икромов адлия вазирининг ўринбосарлари этиб тайинланди.
Мазкур тайинловга қадар Баҳром Қўчқоров 2017 йил 5 майдан буён Ўзбекистон Экология ва атроф-муҳитни муҳофаза қилиш давлат қўмитаси раиси лавозимида ишлаб келган.
Музраф Икромов 2019 йил 4 мартдан буён Қашқадарё вилоят Адлия бошқармаси бошлиғи лавозимида ишлаб келаётган эди. Унга қадар Музраф Икромов 2017 йил 14 августидан 2019 йил 4 мартигача Ўзбекистон Ҳисоб палатаси раиси, 2015 йил 11 февралдан 2017 йил 14 августга қадар Ўзбекистон адлия вазири лавозимларида фаолият юритган.
Изоҳ (0)