Artel компанияси сизни муборак Рамазон ҳайити билан чин дилданқутлайди. Сизга узоқ умр, соғлик-саломатлик, оилангизга бахт-саодат, тинчлик-осойишталик тилайди. Барча эзгу ниятларингиз амалга ошиб, дуоларингиз қабул бўлишини тилаб қолади.
Эзгулик ва инсонпарварлик, меҳр-оқибат – ҳар қандай баркамол жамиятнинг ажралмас қисми. Бу йилнинг биринчи ярми ўзининг қийинчиликларига қарамай, юртимиз аҳолисининг ҳақиқий инсоний фазилатларини яққол намойиш этди. Бу фазилатлар: фидокорлик, одампарварлик, ўз касбига содиқлик, ҳамда она Ватанга бўлган чуқур муҳаббат туйғуси. Ҳурматли шифокорларимизнинг халқимиз соғлиғини сақлаш йўлида амалга ошираётган меҳнати, Ватанимиз ҳимоячилари юртимизда тинчликни сақлаш учун амалга ошираётган улкан меҳнатини кўриб қалбимизда миннатдорчилик, ғурур ҳиссиётлари пайдо бўлади. Минглаб юртдошларимиз: шифокорлар, сотувчилар, милиционерлар, етказиб бериш ходимлари каби касб эгалари ушбу қийин вазиятни енгиллаштириш учун бор кучларини ташлашди. Минглаб фуқароларимиз қийин аҳволга тушиб қолган юртдошларига беғараз ёрдам берди. Жорий йилнинг биринчи ярим йиллиги Ўзбекистон фуқаролари ўз юртдошларига ҳатто ҳаётини хатарга қўйиб бўлса-да, ёрдам беришга тайёрлигини яққол кўрсатди.
Қадрли юртдошлар, Artel компанияси шу одампарварлик ва меҳр-оқибат туйғулари қалбингизни ҳеч қачон тарк этмаслигини тилайди. Бахт-саодат, шодлик-қувонч сизга доимо ҳамроҳ бўлсин, юртимиз доимо тинч, халқимиз омон бўлсин. Рамазон ҳайити муборак!
Реклама ҳуқуқи асосида.
Изоҳ (0)