Изоляциядаги Бурак Ўзчивит рафиқасига уй ишларида кўмаклашмоқда

Бурак Ўзчивит ва Фаҳрие Эвжен жуфтлиги изоляцияда қилаётган ишлари билан бошқаларга ўрнак бўлса арзийди. «Яндекс Дзен» платформасида ёзилишича, актёр уй ишларида турмуш ўртоғига кўмаклашмоқда.

Аввалроқ жуфтлик ижтимоий тармоқларда Туркия Соғлиқни сақлаш вазирлигининг фуқароларни уйда қолишга ундаб, «Ҳаёт уйга сиғар» номли ташаббусини қўллаб-қувватлаган ва бунга жавобан соғлиқни сақлаш вазири Фаҳриддин Хожа Бурак ва Фаҳриега миннатдорчилик билдирганди.

View this post on Instagram

Burak Özçivit ve Fahriye Evcen, Hayat Eve Sığar diyor. Kampanyamıza verdikleri destek için kendilerine teşekkür ediyorum.

A post shared by Dr. Fahrettin Koca (@drfahrettinkoca) on Mar 25, 2020 at 11:57am PDT

«Ҳаётни уйга сиғдирган» жуфтлик бундай оғир вазиятда бир-бирини ҳар томонлама қўллаб-қувватламоқда. Маълум қилинишича, улар уй ишларини тенг бўлишиб олган: Фаҳрие овқат пишириш, кийимларни дазмоллаш ва керакли маҳсулотлар рўйхатини тузиш билан машғул бўлса, уйни тозалаш, кирларни ювиш ва дўконга чиқиш каби вазифаларни Бурак бажармоқда.

Шунингдек, ўғиллари Каран тарбияси билан шуғулланишдек масъулиятли вазифани куннинг биринчи қисмида актриса, иккинчи қисмида бўлса актёр бажармоқда, деб ёзилади хабарда.