2000 йилда режиссёр Ридли Скоттнинг «Гладиатор» фильми экран юзини кўрди. Фильм кинотанқидчилар ва томошабинларга бирдек манзур бўлди, кўплаб мукофотларга муносиб топилди.
Томошабинлар баҳоларига кўра, фильм кинематограф тарихидаги энг яхши фильмлар рўйхатига киритилган. Ўтган 20 йил ичида «Гладиатор» фильмида бош ролларни гавдалантирган актёрларнинг қай даражада ўзгаргани билан қуйида танишишингиз мумкин.
Рассел Кроу
Австралиялик ушбу актёр фильмгача ҳам анча машҳур эди, бироқ оламшумул машҳурликни унга «Гладиатор» келтирди.
У Ридли Скоттнинг ҳам севимли актёрига айланди. Режиссёр яна 4 та фильмида унга бош ролни берди.
Ўтган вақт ичида Рассел уйланиб, икки ўғилли бўлиб, ажрашишга ҳам улгурди.
Ҳозирда у семирган ва соқол қўйган. У ҳамон энг талаб юқори бўлган актёрлардан бири. Сўнгги ўн йилликда унинг иштирокидаги «Ной» «Рад этилганлар», «Ажойиб йигитлар» каби фильмлар муваффақият қозонди.
Хоакин Феникс
Актёр роль танлашга жуда инжиқ. Шунинг учун унинг карьерасида бирор образни ажратиб кўрсатиб бўлмайди. Актёр ташқи кўриниши устида ҳам тез-тез тажриба ўтказади. У бир неча марта кинодан кетганини эълон қилган, расмий тақдирлаш маросимларига келмаган.
У 2016 йилда Голливуд актрисаси Руни Марага уйланган, улар яқинда ота-она бўлиши кутилмоқда.
Хоакин 2019 йилдаги «Joker» фильми учун «Йилнинг энг яхши актёри» сифатида «Оскар» олди.
Конни Нильсен
Даниялик актриса Голливудга 90 йилларда келган, бироқ айнан «Гладиатор» унга машҳурлик олиб келди.
Фильм муваффақиятидан кейин Коннига таклифлар ёғила бошлади.
Актриса Metallicа гуруҳи созандаси билан саккиз йил бирга яшади. Унинг икки ўғил фарзанди бор. Конни 60 ни уриб қўйган бўлса ҳам, ҳалигача латофатли. Конни 2017 йилда «Мўъжиза — аёл» фильмидаги малика Ипполита образини ижро этди. 2020 йилда ушбу фильмнинг давоми тақдим этилиши режалаштирилган.
Жимон Хонсу
Асли келиб чиқиши африкалик бўлган америкалик актёр карьерасини моделликдан бошлаган.
«Гладиатор»гача Хонсу «Амистад» фильмидаги роли учун «Олтин глобус»ни қўлга киритган эди.
Кейинроқ у яна икки маротаба «Оскар» олган.
Жимон 2009 йилда ўғилли бўлди, орадан уч йил ўтиб хотини билан ажрашди. Ўтган вақт ичида актёрнинг ташқи кўриниши деярли ўзгармаган.
Хонсу 2019 йилда «Шазам» ва «Капитан Марвел» фильмларида суратга тушди.
Оливер Рид
«Гладиатор»даги роли таниқли британиялик актёр карьерасидаги сўнгги роль бўлди. У ичкиликка ружу қўйган эди. Актёр фильмнинг суратга олиш ишлари якунига етмасидан вафот этган. Шундан сўнг Ридли Скотт фильм сценарийсини қайта ёзиб, Оливер Рид иштирокидаги саҳналарни максимал даражада камайтирган.
Изоҳ (0)