Коронавирус пандемияси сабаб «Оскар» тақдирлаш маросими санасида ўзгариш бўлиши мумкин. Бу ҳақда Harper’s Bazaar нашри хабар берди.
Таъкидланишича, ташкилотчилар 2021 йилнинг 28 февралида бўлиб ўтиши керак бўлган маросим кўпи билан тўрт ойга сурилишини тахмин қилмоқда.
Бу каби ҳолат «Оскар» мукофотининг 93 йиллик тарихида илк бор кузатилмоқда, дейилади хабарда. Одатда мукофот учун кузда даъвогар фильмлар рўйхати шакллантирилиб, январь ойида Америка киносанъати академияси вакиллари томонидан номинантлар танлаб олинарди.
Айни дамда дунё бўйлаб кинотеатрлар ёпиқ, премьералар эса номаълум муддатга қолдирилган. Масалан, апрелда тақдим қилиниши керак бўлган Жеймс Бонд ҳақидаги 25-фильм премьераси ноябрдан аввал экран юзини кўрмаслиги аниқ.
Мукофот ташкилотчилари мавжуд вазиятдан келиб чиққан ҳолда тақдирлаш маросимини 28 февралдан май ойининг охири ёки июнь ойи бошига қолдиришга қарор қилган. Инсайдерларга кўра, муддат узайтирилиши натижасида белгиланган муддатда чиқиб улгурмаган картиналар, келаси йилнинг бошига қадар даъвогарлик қилиши мумкин.
Мавзуга доир:
- Коронавирус туфайли «Оскар» қоидаларига ўзгартириш киритилди
- 2020 йилда Канн кинофестивали ўтказилмайдиган бўлди
- Жим Керридан тортиб Бред Питтгача: Актёрлик дипломига эга бўлмаган киноюлдузлар
- «Ўзингизни эркин тутинг, хато қилишдан қўрқманг». Натали Портман актёрлик маҳоратидан онлайн-дарс ўтмоқда (видео)
Изоҳ (0)