Тошкент вилояти қурувчи-усталари Сардобадаги фалокатдан зиён кўрганларга беминнат ёрдам кўрсатиш йўлида фуқаролар учун уй-жойлар қуриш билан шуғулланмоқда. Бу ҳақда вилоят ҳокимлиги матбуот хизмати «Дарё»га хабар берди.
Таъкидланишича, сентябрь ойига қадар вилоятнинг 7 та пудратчи ташкилоти томонидан 120 та уй сирдарёликларга топширилади.
Маълумотларга кўра, қурилиш ишларига 1400 дан зиёд қурувчи-уста ҳамда қурилиш техникалари сафарбар этилган. Айни пайтда кўчалар ва хонадонларни тошқин қуйқаларидан тозалаш ишлари олиб борилмоқда.
«Тошкент вилоятимизга ажратилган жойни европача услубда қурмоқчимиз, бу ерда европача ҳаёт қилиб, ободонлаштиришни ривожлантирмоқчимиз. Қуриб кетган уйларимизни 10-20 йил эслашлари керак. Шундай қилайликки, сувига, электр энергияси, канализацияси, газига қадар эътибор қаратиб, ажойиб ҳолатга келтиришимиз керак», — дейди «Акмал ёш куч» МЧЖ раҳбари Акбар Анваров.
Изоҳ (0)