Ўзбекистондаги жазони ижро этиш муассасаларида жазо муддатини ўтаётган маҳкумларга жўнатма ва бандеролларни етказиб бериш 15 майдан бошлаб қайта тикланди. Бу ҳақда «Ўзбекистон почтаси» маълум қилди.
Таъкидланишича, Ўзбекистонда коронавирус инфекцияси тарқалишининг олдини олиш бўйича махсус комиссиянинг 6 майдаги йиғилиш баёнига асосан, 2020 йилнинг 8 май кунидан бошлаб республика ҳудудида карантин бўйича чекловларнинг босқичма-босқич бекор қилиб борилиши белгиланганди.
Ички ишлар вазирлиги Жазони ижро этиш бош бошқармаси томонидан жазо муддатини ўтаётган маҳкумларнинг қонуний ҳуқуқ ва эркинликларини таъминлаш мақсадида 15 май санасидан бошлаб маҳкумларга жўнатма ва бандеролларни етказиб беришга рухсат берилган.
Аввалроқ Ўзбекистонда халқаро авиапочта жўнатмаларини юбориш қисман тиклангани ҳақида хабар берилган эди.
Изоҳ (0)