Беларусда турмушга чиққан 40 ёшгача бўлган аёлларга бепул ЭКУ (экстракорпорал уруғлантириш) қилдириш имконияти берилди, деб хабар бермоқда Meduza.
Бу ҳақда Беларусь президенти Александр Лукашенко томонидан имзоланган фуқароларнинг айрим гуруҳларини ижтимоий қўллаб-қувватлашга доир фармонида кўзда тутилган.
Фармонга кўра, аёлнинг ёши 40 ёшдан ошмаган ва эр-хотин учун тегишли тиббий кўрсатмалар мавжуд бўлса, сунъий уруғлантириш учун бир марталик уриниш харажатлари давлат томонидан қоплаб берилади.
Хабарда айтилишича, Беларусда сўнгги йилларда туғилиш кўрсаткичи пастлиги сабабли аҳоли сони қисқариши кузатилмоқда. 2018 йилда ҳар 1000 кишига 9,9 та туғилиш тўғри келган. Бу уларга қўшни Россия (10,9), Латвия (2017 йилда 10,7), Литва (2017 йилда 10,1) ва Польша (2017 йилда 10,6) давлатларига қараганда пастдир.
Изоҳ (0)