Коронавирус пандемияси мода саноатига ҳам ўз таъсирини ўтказмоқда. Таниқли брендлар турли дизайнга эга ниқобларни ишлаб чиқаришни бошлаб юборди.
Hello’нинг ёзишича, Ким Кардашьяннинг SKIMS ички кийимлар бренди ҳам ўзига хос ниқоблар ишлаб чиқарди.
Чоксиз юз ниқобларининг ўзига хос хусусияти шундаки, уларни тери рангига мослаб танлаш мумкин. Ниқоблар 5 хил рангда тақдим этилди. Кимнинг сўзларига кўра, улар ҳаво ўтказади ва майин ишланган ҳамда исталган образга тушади.
Ниқобнинг нархи 8 доллар, тўрт доналик комплект эса 25 доллар. Кардашяннинг мухлислари сотув эълон қилинганидан кейин 30 дақиқа ичида ниқобларнинг ҳаммасини харид қилган.
SKIMS, шунингдек, Baby2Baby, Good+ Foundation, LA Food Bank ва National Domestic Workers Alliance каби хайрия ташкилотларига 10 000 та ниқобни бепул беради. Шунингдек, компания қўшимча 1 миллион доллар ажратиб, пулни ушбу ташкилотлар ўртасида тенг тақсимлаб беради.
Бренднинг Instagram’даги саҳифасида ходимлар ниқоблар тугагани учун узр сўраб, кейинги ҳафта улар яна сотувда бўлишини ёзди.
Изоҳ (0)