«Юксалиш» умуммиллий ҳаракати Сардоба сув омборида юзага келган тошқин оқибатлари ва уларни бартараф этиш бўйича амалга оширилаётган ишлар ҳақида маълумот маълумот берди.
Таъкидланишича, ҳозирда ҳудудларни тозалаш ишлари олиб борилмоқда. Маълумотларга кўра, Сардоба, Мирзаобод ва Оқолтин туманларидаги 25 та аҳоли пункти ҳамда 2,1 минг гектар ва 19,6 минг гектар қишлоқ хўжалиги экин ерлари тошқиндан зарар кўрган.
Ҳозирга қадар сув босган 25 та аҳоли пунктларидан 13 таси сувдан тозаланган ва 20 та аҳоли пунктлари ҳамда уларнинг ҳудудлари чиқиндилардан тозаланиб бўлинган.
Қайд этилишича, 4 586 та уй чиқиндилардан тозаланиб, сувдан тозаланган хонадонларда дезинфекция ишлари амалга оширилмоқда. Мазкур ишларга жами 16 787 нафар шахсий таркиб ва 3 233 та техника жалб этилган.
Аввалроқ Сардобадаги фалокатда салкам 6 минг турар жойга зарар етгани маълум қилинганди.
Мавзуга доир: Сардоба фалокати сабабларини ўрганиш учун Франция, Туркия, Россиядан экспертлар таклиф қилинди
Изоҳ (0)