Австралия тиббиёт маҳсулотлари администрацияси саломатлик ва табобат черкови Genesis II MSS Australia’ни коронавирусга қарши ҳимоя воситасини реклама қилгани учун 98 минг АҚШ доллари миқдорида жаримага тортди. Бу ҳақда администрациянинг расмий сайтида хабар қилинган.
Черков реклама қилган «Мўъжизали минерал қўшимча» (ММS) препарати таркибида катта концентрациядаги натрий-хлор мавжуд ва у кир ювиш воситаларига қўшишда ишлатилади. Ҳукумат вакилларининг таъкидлашича, ММS’нинг касаллик белгиларини даволаши ёки енгиллаштириши клиник жиҳатдан исботланмаган.
«Бу каби препаратларнинг қабул қилиниши инсон соғлиғига жиддий зиён етказиши — кўнгил айниши, диарея ва кучли даражада ич қуришига олиб келиши мумкин, оқибатда препаратни қабул қилган киши бошқа касалликлар билан касалхонага тушади», – деган австралиялик мутахассислар.
«Австралия тиббиёт маҳсулотлари администрацияси (ТGА) жами 151,2 минг Австралия доллари (98 минг АҚШ долларидан кўпроқ) миқдорида зарар етганини тасдиқловчи 12 та баённома Southern Cross Directories Pty Ltd номига «мўъжизавий минерал қўшимча» – ММS Australia тиббий маҳсулотларини сотаётгани учун расмийлаштирилган», – дейилади хабарда.
Ҳукумат вакиллари одамлар қабул қилган ушбу «мўъжиза дори» улар организмига зарар етказиши мумкинлигидан хавотирда.
«ТGА интернетда тарқалган «Мўъжизавий минерал ечим» (ММS) воситасининг турли касалликлар, жумладан, COVID-19’ни даволаш, олдини олиш ёки асоратларини камайтиришда фойдали экани ҳақидаги ёлғон хабарлардан яна бир бора огоҳлантиради», – дейилади агентлик баёнотида.
Жаҳон соғлиқни сақлаш ташкилоти коронавируснинг тарқалиши пандемия даражасига етганини 11 март куни эълон қилган. ЖССТ берган сўнгги маълумотларга асосан бутун дунёда COVID-19’га чалинганлар сони 4 миллион нафардан ошиб кетган, қурбонлар сони эса қарийб 300 минг нафарга яқинлашиб қолди.
Изоҳ (0)