АҚШнинг бир гуруҳ сенаторлари Сенатга коронавирус туфайли Хитойга қарши санкциялар назарда тутилган қонун лойиҳасини тақдим этди. «РБК»нинг хабар беришича, бу ҳақда сенатор Линдси Грэм ўзининг сайтида маълум қилди. Қайд этилишича, Хитойга қарши чеклов чоралари Пекин коронавирус пандемиясини келтириб чиқарган воқеалар тўғрисида тўлиқ маълумот бермаса жорий этилади.
«Ишончим комилки, Хитой коммунистик партияси ёлғонисиз вирус АҚШда тарқалмаган бўларди», — деган Грэм. Унинг сўзларига кўра, Хитой текширув ўтказиш ниятида бўлган халқаро экспертларни коронавирус тарқалиши бошланган Ухань лабораториясига киритишдан бош тортди. «Ишончим комилки, Хитой уни мажбур қилишмагунча ҳеч қачон жиддий текширувлар доирасида ҳамкорлик қилмайди», — дея қўшимча қилган у.
Линдси Грэмни яна 8 нафар сенатор қўллаб-қувватлаган. Улардан бири, Том Тиллис Хитойнинг ҳаракатини тарихда энг йирик сукут сақлашлардан бири деб атаб, мамлакатни бутун дунёни алдаганликда айблади.Қонун лойиҳаси матнига кўра, Хитой 2 ой давомида қуйидагилар ҳақида конгрессга тасдиқлаши керак:
- АҚШ, унинг иттифоқчи давлатлари ёки БМТ томонидан тайинланган, масалан, ЖССТ томонидан текширив ишларини олиб бораётган органларга ҳисоботни тақдим этганлиги;
- одамлар касалланишига хавф туғдириши мумкин бўлган йиртқич ҳайвонлар сотилувчи барча бозорларни ёпгани;
- коронавирус тарқалганидан сўнг ҳибсга олинган барча гонконглик фаолларни озод қилгани.
Мавзуга доир: AP:Хитой дори-дармон ва ҳимоя воситаларини тўплаб олиши учун коронавирус ҳақидаги маълумотларни яшириб келган
Хитой коронавирус пандемияси бошланганидан бери бир неча марта АҚШ ҳукумати томонидан кескин танқид қилинди. Март ойида Трамп Пекинни COVID-19 тарқалиши ҳақида бутун дунёни вақтида хабардор қилмаганликда айблаган. АҚШ президентининг сўзларига кўра айрим мамлакатларнинг ҳукуматлари бу ҳақда аввалроқ бохабар бўлганидан вазият бу қадар оғир бўлмаслиги мумкин эди.
Жонс Ҳопкинс маълумотларига кўра, айни пайтда дунёда коронавирусга чалинганлар сони 4 миллион кишидан ошиб кетди.
Изоҳ (0)