Янги Mercedes-Benz S-Class’нинг ташқи кўриниши ва интерьерининг суратлари премьерадан олдин ижтимоий тармоқларда тарқалиб кетди

Янги Mercedes-Benz S-Class’нинг ташқи кўриниши ва интерьери премьерадан олдин тўлиқ маълум бўлди. Тест прототипларидан бири Хитойда камерага муҳрланган — гувоҳлар машина кузови ва салонини ҳам суратга туширишга муваффақ бўлган. W223 сериясида флагман седани Хитойга ички тақдимот учун олиб келинган бўлиши мумкин, деб хабар беради Motor.

Mercedes-Benz S-Class авлодининг алмашиши билан инқилобий дизайн ўзгаришлари кутилмоқда: орқа вертикал фонарлардан юкхона тепасидаги горизонтал сексиялар ҳисобига воз кечилган, олд фаралар ингичкалашган, оптика тасвири ўзгарган.

Орқа томонидаги хромланган иккита «вставка» ўрнига битта қолган, радиатор панжарасининг шакли ҳам мураккаблашган: эндиликда у қирралари ёйсимон етти бурчакли детални ёдга солади.

Салон архитектураси тўлиқ қайта кўриб чиқилган: MBUX мультимедия комплексидан алоҳида кенг ўлчамли қурилмалар панели ва деярли квадрат шаклга эга маълумот берувчи планшет тизими фойдасига воз кечилган.

«Рақамли» интерьерда фирманинг анъанавий соатларига жой топилмаган, турли тугмалар сони эса кескин камайтирилган. Ечилувчан планшетлар эса орқа ўриндиқдаги йўловчилар учун асосий жиҳозга айланиши мумкин.

S-Class’га кирувчи флагман седани ҳақида қолган маълумотлар яқин вақтлар ичида маълум бўлади, чунки модель премьераси 2020 йил охирига қадар ўтказилиши режалаштирилган.