AnTuTu бенчмарки апрель ойининг энг юқори самарадорликка эга топ смартфонлар рейтинги билан бўлишди, деб хабар беради Hi-Tech.Mail.ru.
AnTuTu рўйхатининг энг юқори қисмидан Xiaomi Mi 10 Pro янги флагмани 593 минг балл билан ўрин олган. Смартфон Snapdragon 865 процессорида ишлайди ва унга 8 гигабайт тезкор хотирага эга LPDDR5 ўрнатилган.
Иккинчи ўрин эса OnePlus 8 Pro’га насиб этган — рейтингда 582 минг балл. Мазкур смартфонга ҳам Snapdragon 865 ўрнатилган ва унинг тезкор хотираси 12 гигабайтга тенг бўлса-да, пастроқ балл тўплаган. Тахминларга кўра, OnePlus иссиқликни камайтириш ва қувватни тежаш мақсадида максимал ва узлуксиз юкламада ишлашни бироз пасайтиришга ҳаракат қилади.
Кучли учликка 580 минг балл билан Xiaomi Мi 10 флагмани якун ясаган — Snapdragon 865 процессори ва 8 гигабайт тезкор хотира. Рейтингнинг кейинги поғоналари қуйидаги тартибда тузилган:
- Samsung Galaxy S20 Ultra 5G (Exynos 990) — 519 минг балл
- Samsung Galaxy S20+ 5G (Exynos 990) — 518 минг балл
- ASUS ROG Phone II (Snapdragon 855+) — 509 минг балл
- Samsung Galaxy S20+ (Exynos 990) — 505 минг балл
- Samsung Galaxy S20 5G (Exynos 990) — 503 минг балл
- OnePlus 7Т (Snapdragon 855+) — 496 минг балл
- OnePlus 7Т Pro (Snapdragon 855+) — 496 минг балл
Изоҳ (0)