AnTuTu benchmarki aprel oyining eng yuqori samaradorlikka ega top smartfonlar reytingi bilan bo‘lishdi, deb xabar beradi Hi-Tech.Mail.ru.
AnTuTu ro‘yxatining eng yuqori qismidan Xiaomi Mi 10 Pro yangi flagmani 593 ming ball bilan o‘rin olgan. Smartfon Snapdragon 865 protsessorida ishlaydi va unga 8 gigabayt tezkor xotiraga ega LPDDR5 o‘rnatilgan.
Ikkinchi o‘rin esa OnePlus 8 Pro’ga nasib etgan — reytingda 582 ming ball. Mazkur smartfonga ham Snapdragon 865 o‘rnatilgan va uning tezkor xotirasi 12 gigabaytga teng bo‘lsa-da, pastroq ball to‘plagan. Taxminlarga ko‘ra, OnePlus issiqlikni kamaytirish va quvvatni tejash maqsadida maksimal va uzluksiz yuklamada ishlashni biroz pasaytirishga harakat qiladi.
Kuchli uchlikka 580 ming ball bilan Xiaomi Mi 10 flagmani yakun yasagan — Snapdragon 865 protsessori va 8 gigabayt tezkor xotira. Reytingning keyingi pog‘onalari quyidagi tartibda tuzilgan:
- Samsung Galaxy S20 Ultra 5G (Exynos 990) — 519 ming ball
- Samsung Galaxy S20+ 5G (Exynos 990) — 518 ming ball
- ASUS ROG Phone II (Snapdragon 855+) — 509 ming ball
- Samsung Galaxy S20+ (Exynos 990) — 505 ming ball
- Samsung Galaxy S20 5G (Exynos 990) — 503 ming ball
- OnePlus 7T (Snapdragon 855+) — 496 ming ball
- OnePlus 7T Pro (Snapdragon 855+) — 496 ming ball
Izoh (0)