Бутун дунёда 1,5 миллиондан ортиқ киши коронавирусдан тузалишга муваффақ бўлди. Бу ҳақда Жонс Ҳопкинс университети маълумотларига таяниб, «РИА Новости» хабар берди.
Университет маълумотларига кўра, бутун дунёда COVID-19 касаллигидан 1 502 620 киши тузалган. Касаллик оқибатида вафот этган беморлар сони эса 292 311 кишига етган. Касалланганларнинг умумий сони 4 278 180 кишини ташкил қилмоқда.
Коронавирус билан касалланганлар сони бўйича дунёда АҚШ биринчи ўринда турибди. АҚШда 1,35 миллион кишида коронавирус инфекцияси аниқланган. 80 мингдан кўпроқ бемор касаллик оқибатида ҳаётдан кўз юмган, 233 минг киши коронавирусдан тузалган.
Россия мазкур кўрсаткич бўйича дунёда иккинчи ўринга кўтарилди. Мамлакатда COVID-19 пандемияси бошланганидан буён касалланганлар сони 242 271 кишига етди. Коронавирусдан даволанишга муваффақ бўлганлар сони 48 минг кишидан ошди. Пандемия бошланганидан буён COVID-19 оқибатида вафот этганлар сони 2212 кишига етди.
Изоҳ (0)