Қозоғистонда коронавирус билан касалланиш бўйича яна 138 та ҳолат қайд этилди, деб хабар беради Tengrinews.
Сўнгги маълумотларга кўра, мамлакатда COVID-19 коронавирус инфекцияси билан касалланганларнинг жами сони 5417 кишига етган. Ҳозирга қадар 2287 киши соғайган, 32 киши вирус қурбонига айланган.
Касалланиш бўйича сўнгги ҳолатлар қуйидаги ҳудудларда аниқланган:
- Атирау вилояти — 92;
- Нур-Султон — 15;
- Ғарбий Қозоғистон вилояти — 11;
- Жамбил вилояти — 6;
- Олмаота — 6;
- Туркистон вилояти — 4;
- Қарағанда вилояти — 3;
- Шарқий Қозоғистон вилояти — 1.
Мавзуга доир: Россия—Қозоғистон чегарасида тўпланган ўзбекистонликлар Шавкат Мирзиёевга мурожаат йўллади (видео)
Ҳозирга қадар коронавирусга чалинганлар билан алоқада бўлган 4613 киши аниқланган. Қирғизистонда 1555 киши обсервацияда қолмоқда.
Таъкидланишича, мамлакатда коронавирусдан даволанишга муваффақ бўлган беморлар сони 726 кишига етган бўлиб, пандемия бошланганидан буён Қирғизистонда 12 киши COVID-19 қурбонига айланган. Ҳозирда стационарларда 306 киши даволанмоқда.
Афғонистонда коронавирус билан касалланганлар сони ўтган бир сутка ичида 259 кишига ортиб, 5226 кишига етди. Бу ҳақда мамлакат Соғлиқни сақлаш вазирлигига таяниб, 1TV телеканали маълум қилди.Маълумотларга кўра, ўтган бир сутка ичида беш киши коронавирус қурбонига айланган. Мамлакатда пандемия бошланганидан буён 132 киши COVID-19 инфекцияси оқибатида вафот этган. Ҳозирга қадар 648 бемор коронавирусдан даволанишга муваффақ бўлган.
Ўзбекистонда 13 май соат 10:00 ҳолатига кўра коронавирусга чалинганлар сони 2568 нафарга етди, ўтган давр мобайнида 10 нафар бемор инфекция асоратлари оқибатида вафот этди. Мамлакатда жами 2055 нафар бемор коронавирусдан соғайган.
Изоҳ (0)