Туркманистон пойтахти Ашхобод шаҳридаги Азатлик бозорида мева олиш учун одамлар узун навбатларга турмоқда. Харидорлар навбатни бир кун аввал кечки пайт эгалламоқда. Бу ҳақда «Хроника Туркменистана» хабар берди.
Қайд этилишича, эрталаб соат 5-6 да келган харидорлар ўзини биринчи бўлиб келган деб ҳисоблайди ва бир кун аввал кечқурун навбат эгаллаган харидорлар билан жанжаллар ва муштлашувларга сабаб бўлади.
Давлат дўконларида олма, апельсин ва бананнинг бир килограмми 10-12 манат (29000-34800 сўм) туради. Икки ой аввал мазкур меваларнинг нархи бир килограмм учун 6 манатни ташкил қилган. Хусусий дўконларда эса меваларнинг нархи 45-50 манатни ташкил қилмоқда, бироқ уларнинг сифати анча яхши.
Харидорларнинг шикоят қилишича, давлат дўконларида сотувчилар тарозидан уради ёки бузилган меваларни солиб беради. Бироқ одамлар нархлар бозордагидан пастроқ бўлгани сабабли бунга ҳам рози бўлишга тайёр.
Изоҳ (0)