Август ойига бориб АҚШда коронавирус инфекцияси қурбонлари сони 147 минг кишига етиши мумкин. Бу ҳақда Вашингтон штати университети ҳузуридаги Соғлиқни ўлчаш ва баҳолаш институти доктори Кристофер Мюррейга таяниб, CNN хабар берди.
«Биз прогнозларни ҳисоблай бошлаганимизда, барча штатлар Янги Зеландия моделига риоя қилади деб ўйлаган эдик. Унга кўра, вирус тарқалиши энг паст даражага етмагунига қадар ижтимоий масофаланишни сақлаш керак», — дейди Мюррей.
Унинг сўзларига кўра, бу содир бўлмаган: штатлар ҳукумати чекловларни енгиллаштирмоқда, одамлар ижтимоий масофаланишдан чиқиб кетяпти. «Ўйлашимча, одамлар эҳтиёт бўлмаса, ниқоб тақмаса, биз тестлар сонини оширмасак ва алоқалар тизимини кузатишни яхшиламасак рақамлар ўсишни давом этади», — дея қўшимча қилади Мюррей.
Аввалроқ институт АҚШда COVID-19 қурбонлари сони 4 августга бориб 134 475 кишига етиши прогноз қилинган моделни тақдим этганди. Кейинроқ АҚШ президенти Дональд Трамп мамлакатда коронавирус қурбонлари сонининг ортиши тўғрисидаги прогнозларни хато деб атаган эди.
Мавзуга доир: Дональд Трамп АҚШда коронавирусдан вафот этиши мумкин бўлганлар сони бўйича янги прогнозларни маълум қилди
Изоҳ (0)