АҚШ вице-президенти Майкл Пенс мамлакат президенти Дональд Трамп билан шахсий муносабатларини чеклаш бўйича қарор қабул қилди. Бу ҳақда Оқ уй матбуот котиби Кейли Макинани маълум қилди.
«Вице-президент Трампга бир неча кун давомида яқинлашмасликка қарор қилган. Бу унинг шахсий қарори», — дейди Макинани.
9 май куни Дональд Трамп Пенснинг матбуот котиби Кэти Миллерда коронавирус аниқланганини маълум қилганди. Америка етакчисининг сўзларига кўра, у Миллер билан алоқада бўлмаган, бироқ Пенс билан мулоқот қилган.
Кейинроқ вице-президентнинг расмий вакили Дэвин О’Мэлли Пенс ўз матбуот котибида коронавирус аниқланганидан кейин изоляцияга кетмаганини билдирганди.
«Вице-президент Оқ уй тиббиёт хизматининг маслаҳатларига риоя қилишни давом этмоқда ва крантинда сақланмаяпти», — дейди О’Мэлли.
Аввалроқ АҚШда коронавирус билан касалланиш ҳолатларининг ўсиши ҳақида махфий маълумотлар тарқалгани ҳақида хабар берилганди.
Мавзуга доир:
Изоҳ (0)