АҚШда сўнгги бир суткада 21 мингдан ортиқ одамда коронавирус аниқланди, 1600 нафардан ортиқ бемор касаллик оқибатида вафот этди. Бу ҳақда Жонс Ҳопкинс университети маълумотларига таяниб, «РИА Новости» хабар берди.
Маълум қилинишича, ўтган бир суткада қайд этилган янги ҳолатлар сони 21 495 тани ташкил қилган. Шу вақт ичида 1674 нафар бемор касаллик қурбонига айланган.
Университет маълумотларига кўра, АҚШда коронавирусга чалинганларнинг умумий сони 1,37 миллион кишидан, касаллик оқибатида вафот этганлар сони эса 82 389 нафардан ошган, 230 287 киши касалликдан тузалишга муваффақ бўлган.
Мавзуга доир: АҚШда коронавирус билан касалланиш ҳолатларининг ўсиши ҳақида махфий маълумотлар тарқалди
Аввалроқ институт АҚШда COVID-19 қурбонлари сони 4 августга бориб 134 475 кишига етиши прогноз қилинган моделни тақдим этганди. Кейинроқ АҚШ президенти Дональд Трамп мамлакатда коронавирус қурбонлари сонининг ортиши тўғрисидаги прогнозларни хато деб атаган эди.
Эслатиб ўтамиз, Дональд Трамп 3 май куни АҚШда коронавирус оқибатида вафот этадиган беморлар сони 75 мингдан 100 минг кишигача етиши мумкинлигини айтган. У аввал 60-65 минг атрофида одам касалликдан ўлади деган бўлса, Fox News’га берган интервьюсида вафот этганларнинг сони 75-100 мингга яқин бўлишини тахмин қилган.
Мавзуга доир: АҚШ бош инфекционисти коронавирус назорат қилиб бўлмайдиган даражада тарқалиши мумкинлиги ҳақида огоҳлантирди
Изоҳ (0)