АҚШ бош инфекционисти Энтони Фаучи коронавирус тарқалиши назорат қилиб бўлмайдиган даражага етиши мумкинлиги ҳақида огоҳлантирди. Бу ҳақда унинг сўзларига асосланиб, The New York Times хабар берган.
Конгрессда нутқ сўзлаган Фаучи мамлакатда карантин чекловларини олиб ташлашга ҳали эрта экани ва ушбу қарорнинг жиддий оқибатларга олиб келиши мумкинлигини қайд этди.
«Карантин бекор қилинса, коронавируснинг тарқалиши яна ҳам тезлашиб кетиши мумкин, назорат қилиб бўлмайдиган вазиятга шароит яратилмоқда», — деган Фаучи. У COVID-19’дан вафот этганлар сони расмий маълумотлардагидан кўра кўпроқ эканлигини тахмин қилди.
Мавзуга доир: Трамп коронавирус пандемияси вақтида нима сабабдан тиббий ниқоб тақмаётганини тушунтирди
АҚШда пандемия жуда жиддий суръатда давом этаётганига қарамай айрим штатларда карантин чекловлари юмшатилган. Карантин чекловларни юмшатган дастлабки ҳудудлардан бири – Жоржия штати.
АҚШда 1,35 миллион кишида коронавирус инфекцияси аниқланган. 80 мингдан кўпроқ бемор касаллик оқибатида ҳаётдан кўз юмган, 233 минг киши коронавирусдан тузалган.
Изоҳ (0)