Тожикистонда COVID-19 коронавирусини юқтириб олиш билан боғлиқ яна 68 та ҳолат қайд этилди ва мамлакатда касалликка чалинганларнинг умумий сони 720 нафарга етди. 23 киши касаллик оқибатида вафот этган. Бу ҳақда Тожикистон Соғлиқни сақлаш вазирлиги матбуот котиби Бибихоним Дарвешзодага таяниб «РИА Новости» хабар қилди.
«Бир сутка ичида коронавирусни юқтириб олиш билан боғлиқ ҳолатлар сони 68 тага кўпайди. Мамлакатда касалликка чалинганлар сони 720 нафарга, COVID-19 оқибатида вафот этганлар сони эса 23 нафарга етди», — деган Дарвешзода.
Тожикистон ССВ вакили Тожикистон ҳукумати ҳамда Соғлиқни сақлаш ва ижтимоий ҳимоя вазирлиги янги турдаги COVID-19 коронавирус инфекциясининг тарқалишига қарши курашда барча зарурий чора-тадбирларни амалга ошираётганини қайд этди.
Тожикистон Соғлиқни сақлаш ва ижтимоий ҳимоя вазирлиги мамлакат аҳолисини шахсий гигена қоидаларига риоя қилиш, касаллик белгилари кузатилганда ўз ҳудудларидаги оилавий шифокорга мурожаат қилишни тавсия этган.
Мавзуга доир:
Изоҳ (0)