АҚШда коронавирус оқибатида вафот этганлар сони 75 минг кишидан ошиб кетди. Бу ҳақда касаллик тарқалишини реал вақтда кузатиб бораётган Жонс Ҳопкинс университети маълумотларида келтирилган.
Тошкент вақти билан соат 11:00 ҳолатига кўра, АҚШда COVID-19 қурбонлари сони 75 670 кишига етган. Мамлакат бўйлаб коронавирус билан касалланганлар сони 1 256 972 кишини, даволанишга муваффақ бўлганлар эса 195 мингдан ортиқ беморни ташкил этмоқда.
АҚШ президенти Дональд Трамп 3 май куни АҚШда коронавирусдан вафот этувчилар сони ҳақидаги прогнозида кўрсатган рақамни каттароғига алмаштирган. У аввал 60-65 минг атрофида одам касалликдан ўлади, деган бўлса, Fox News’га берган интервьюсида вафот этганларнинг сони 75-100 мингга яқин бўлишини тахмин қилган. Кейинроқ Трамп коронавирусни Иккинчи жаҳон уруши билан таққослаган эди.
Мавзуга доир:
Изоҳ (0)