4 май, душанба куни, дунёнинг турли бурчакларида олинган энг қизиқарли суратлар жамланмасини тақдим этамиз.
Лондонда полиция ходимлари карантин қоидаларига қарши намойишга чиққанлардан бирини кўтариб олиб кетмоқда. Фото: Reuters
Таиланднинг Бангкок шаҳридаги овқатланиш масканида масофа сақлаб, махсус тўсиқ ҳимояси орқали овқатланаётган ташриф буюрувчилар. Фото: Reuters
Сирдарё вилоятидаги Сардоба сув омборининг девори ўпирилиши оқибатида сув остида қолган ҳудудлардан чорва моллари ҳам қутқарилди. Фото: Telegram/«Insider.uz»
Теҳрон шаҳрида автомобилида ўтириб, кино кўраётган жуфтлик. Фото: Reuters
Грециянинг Флорина шаҳри яқинидаги Нимфайо қишлоғида кийик боласини боқаётган кўнгилли. Фото: Reuters
Германиянинг Ҳанау шаҳрида вақтинча ташкил этилган никоҳни қайд этиш муассасасида ўтирган келин-куёв ҳамда ҳимоя ойналари ортидаги рўйхатга олувчи. Фото: Reuters
АҚШ президенти Дональд Трамп Fox New телеканалининг «Америка биргаликда: ишга қайтиш» кўрсатувининг жонли эфирида. Эфир Вашингтондаги Линкольн мемориалида олиб борилди. Фото: Reuters
Таиланднинг Бангкок шаҳридаги Эраван ибодатхонасида раққосалар юзларидаги ҳимоя ниқоблари билан чиқиш қилмоқда. Фото: AFP
Афинага келган муҳожирлар Мория лагерида автобус кутмоқда. Ҳукумат 400 нафар муҳожирни оролга жойлаштирди. Фото: Getty Images
Ироқнинг Боғдод шаҳрида одамларни саҳарликка уйғотиб чиқаётган Муҳаммад Муҳсин ва Рейд Кааби. Фото: Getty Images
Хорватиянинг Загреб шаҳридаги ҳайвонлар салонида ит турмакланмоқда. Мамлакат ҳозирда карантин қоидаларини юмшатишни бошлаб юборган. Фото: EPA
Мадридда сартарошхона ва кичик дўконлар очилишига рухсат берилган шароитда навбатини кутаётган мижоз. Фото: EPA
Бразилиянинг Рио-де-Жанейро шаҳридаги Исо Масиҳ ҳайкалида «ниқоб қутқаради» ёзуви ва ҳимоя ниқоби чироқлар ёрдамида акс эттирилган. Фото: AP Photo
Австралиянинг Брисбен шаҳрида одамлар машқ қилмоқда. Квинсленд ҳукумати коронавирус туфайли жорий этилган карантин қоидаларини юмшатиб бормоқда. Фото: EPA
Шотландиянинг Эдинбург шаҳрида кўнгиллилар шифокорлар учун ўзлари тайёрлаб чиқарган юзни ҳимояловчи пластик воситаларни синовдан ўтказмоқда. Фото: PA
Милан шаҳридаги Семпионе боғида одамлар машқ қилмоқда. Италияда карантин босқичма-босқич юмшатилмоқда. Фото: Reuters
Москвада «Ил-76» ҳарбий самолётлари фашизм устидан қозонилган ғалабанинг 75 йиллигини нишонлаш бўйича ёзда ўтказилиши режалаштирилаётган парадга тайёргарлик кўрмоқда. Парад коронавирус туфайли сурилди. Фото: Reuters
Ҳиндистоннинг Нью-Деҳли шаҳрида вино дўкони ёнида ижтимоий масофаланиш қоидасини бузган одамни полиция ходими таёқ билан урмоқда. Фото: Reuters
Токио шаҳрида шу ерда яшовчи вьетнамликлар учун озиқ-овқат ва ҳимоя ниқобларини тарқатиш учун тайёрлаб қўяётган волонтёр. Фото: Reuters
Буюк Британия бош вазири Борис Жонсон Даунинг-стритда жойлашган ишхонасига келмоқда. Фото: Reuters
АҚШнинг Нью-Йорк шаҳрида навбатчиликдан чиқиб, майса устида дам олаётган тиббиёт ходимлари. Фото: Reuters
Аввалги кунларнинг фотогалереялари:
Изоҳ (0)