Қозоғистонда COVID-19 коронавирусини юқтириб олиш бўйича 21 та янги ҳолат қайд этилди. Бу ҳақда Tengrinews хабар берган.
«Мамлакатда 4 май соат 22:20 ҳолатига кўра, коронавирус инфекциясига чалиниши билан боғлиқ 21 та янги ҳолат рўйхатга олинган. Нур-Султонда 5 та, Олмаотада 1 та, Атирау вилоятида 9 та, Шарқий-Қозоғистон вилоятида 1 та, Жамбил вилоятида 4 та, Ғарбий-Қозоғистон вилоятида 1 та ҳолат қайд этилган», — дейилади Қозоғистон давлат комиссияси тезкор штабининг ахборотида.
Қозоғистонда коронавирус билан касалланганларнинг умумий сони 4 май ҳолатига кўра, 4 049 нафарни ташкил қилмоқда: Олмаотада 1318 нафар, Нур-Султонда 706 нафар, Қизилўрда вилоятида 214 нафар, Чимкентда 213 нафар, Ғарбий-Қозоғистон вилоятида 194 нафар, Атирау вилоятида 193 нафар, Ақтўбе вилоятида 160 нафар, Қарағанда вилоятида 159 нафар, Жамбил вилоятида 158 нафар, Олмаота вилоятида 156 нафар, Павлодар вилоятида 150 нафар, Туркистон вилоятида 143 нафар, Акмола вилоятида 101 нафар, Манғистов вилояти 74 нафар, Кўстанай вилоятида 50 нафар, Шимолий-Қозоғистон вилоятида 30 нафар, Шарқий-Қозоғистон вилоятида 30 нафар кишида COVID-19 аниқланган.
Қозоғистон президенти Қосим-Жўмарт Тўқаев мамлакатда амалда бўлган фавқулодда ҳолат режими 11 майгача узайтирилганини маълум қилганди. Шу сабабли аҳолига кетма-кет иккинчи ой салкам 100 доллардан ёрдам пули тарқатилган.
Изоҳ (0)